Poslovne vijesti - Makedonija

Ќе се гради прва гасна термоелектрана

Камен темелник за гасна термоелектроцентрала Електрошари беше поставен во тетовското село Требош како најнова инвестиција на фабриката за јајца и производи од пилешко месо Везе шари и Лекер, во вредност од околу пет милиони евра.

Термоелектроцентралата како погонско гориво ќе користи биогас и ќе биде со планирана моќност од 999 кило вати и производство од 7.950.000 киловат часови на годишно ниво. Гасна електроцентрала треба да биде готова до половината на следната година.

Министерот за економија Ваљон Сараќини, кој заедно со министрите за транспорт и врски и за животна средина, Миле Јанакиески и Абдулаќим Адеми присуствуваа на свеченоста, потенцираше дека ова прва ваква инвестиција во земјава.

- Со оваа инвестиција Македонија претставува еден вид лидер во оваа област во регионот - вели Сараќини.

Германија има над 2.000 електроцентрали на биогорива, а оваа инвестиција ќе се вбројува во десетте најсовремено од својот вид во Европа.